(ФОТО) Трамп пред пристигнувањето на суд: Одам во Вашингтон за да бидам уапсен, тоа е чест

August 3, 2023
2 mins read

Поранешниот американски претседател кон Вашингтон се упати со неговиот приватен авион од типот „боинг 757“ на кој со златни букви е испишано „Trump“ и го носи прекарот „Trump force one“ (наспроти официјалниот авион на американскиот претседател кој го носи прекарот „Air force one), што, како што коментира „Би-би-си“, одговара на неговиот стил

Одам во Вашингтон за да ме уапсат затоа што се спротивставив на корумпираните, наместени и украдени избори, напиша поранешниот американски претседател Доналд Трамп на својата социјална платформа. Објавата дојде во пресрет на неговото пристигнување пред федералниот суд во Вашингтон каде ќе се соочи со обвинението за заговор за поништување на резултатите од претседателските избори во 2020 година.  

Трамп се качува во неговиот приватен авион со кој од Њу Џерси замина во Вашингтон: EPA-EFE/JUSTIN LANE BEST QUALITY AVAILABLE

„Почестен сум затоа што ќе ме уапсат поради вас. Ајде да ја направиме Америка повторно голема!“,

пишува Трамп во објавата.  

Објавата на Трамп / Принтскрин

Поранешниот американски претседател кон Вашингтон се упати со неговиот приватен авион од типот „боинг 757“ на кој со златни букви е испишано „Trump force one“, (наспроти официјалниот авион на американскиот претседател кој го носи прекарот „Air force one), што, како што коментира „Би-би-си“, одговара на неговиот стил. Трамп доцна попладнево полета од аеродромот „Њуарк“ во Њу Џерси и по едночасовен лет пристигна на аеродромот Роналд Реган во Вашингтон.  

Летот на Трамп од Њу Џерси до Вашингтон се следеше во живо / Фото: Принтскрин Би-би-си

Инаку, самата зграда на судот пред кој треба да се појави порашниот претседател е на 15 минути пешачење од скалите Капитол, каде се случија настаните на 6 јануари 2021 година за кои е обвинет.  

Пред заминувањето во Вашинготн тој упати и обвинувања кон актуелниот американски претседател Џо Бајден и неговото семејство, а за судскиот процес наведе дека се одржува на „неправедно место“ и кај „неправеден судија“. 

 „Бајден и неговото семејство крадат милиони и милиони долари, вклучително и поткуп од странски земји, а јас одам во Вашингтон за да бидам уапсен за наместени избори. Неправедно место. Неправеден судија. Ние сме нација во пропаѓање!!!“,

напиша Трамп на неговата социјална платформа „Truth social“.

Објавата на Трамп со обвинувањата до американскиот претседател Џо Бајден и неговото семејство / Принтскрин

Поради судското рочиште, денеска обезбедувањето во Вашингтон е подигнато на повисоко ниво, бидејќи освен бројните новинарски екипи, пред федералниот суд се присутни и негови поддржувачи.

Поддржувачи на Трамп пред зградата на федералниот суд во Вашингтон / Фото: EPA-EFE/MICHAEL REYNOLDS

Трамп веќе се соочува со два други кривични случаи додека тој води кампања за Белата куќа за догодина. Но, случајот поврзан со изборниот процес се смета за најсериозен од сите.

Во обвинението тој се соочува со четири точки вклучувајќи заговор за измама на САД, манипулација со сведок и заговор против правата на граѓаните.

Доналд Трамп е првиот и досега единствениот поранешен претседател на САД кој се соочува со кривични постапки.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

„Шкупи“ вторпат поразен од „Левски“

Следно

„Тажен ден за Америка“, порача Трамп на заминување од судот во Вашингтон, каде се изјасни за невин

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop