Во масовната потрагата, која денеска беше прекината, полицијата мислејќи дека трага по лавица учествуваше со автоматско оружје, а по лавицата се трагаше и со дронови, хеликоптери и оклопни возила
Германската полиција од вчера тргна во потрага по избегана лавица во предградие на Берлин, а синоќа испрати и предупредување до граѓаните да не излегуваат во домовите и своите миленици да ги чуваат затворени дома. Меѓутоа, денеска ја прекина потрагата бидејќи се испоставило дека не станува збор за лавица туку за дива свиња.
„Опасноста веќе не постои и затоа ја прекинуваме потрагата. Според сите расположливи информации тргнуваме од тоа дека не станува збор за лавица“,
соопшти денеска началникот на во местото Клајнмачнов кај Берлин, Михаел Груберт.
Полицијата ова го соопшти на вонредна прес-конференција наведувајќи дека до заклучокот дошле по анализа на сите видеоснимки. Дивите свињи, како што пренесуваат германските медиуми, се карактеристични за овие предели околу Берлин.
Претходно и неколку зоолози и експерти за дивото животно изразија скептицизам дека станува збор за лавица.
Во досегашната масовна потрагата полицијата се вклучи со автоматско оружје, а по лавицата се трагаше и со дронови, хеликоптери и оклопни возила.
„Опсегот на потрагата е целосно оправдан со оглед на првичниот сомнеж дека станува збор за опасна ѕверка“,
рече началникот.
Од Германскиот полициски синдикат, пак, испратија критики. Потпретседателот на синдикатот, Хеико Тегатз, ја критикуваше скапата потрага и рече дека тие пари можеле да се употребат за други цели, како на пример за борба против организираниот криминал
Извор: 360stepeni.mk
