Денеска во Фондот за здравствено осигурување се одржа состанок со дел од членовите на новиот состав на Првостепена комисија за лекување во странство.
Комисијата брои седум членови и седум нивни заменици, а ја предводи д-р Игор Мерџановски од Клиничкиот центар.
Се работи за состав од стручњаци од области како ортопедија, педијатрија, неврохирургија и други специјалности во кои најчесто се упатуваат пациенти на лекување надвор од земјата.
Преку Фондот за здравствено осигурување на Македонија, годишно над 250 осигуреници се лекуваат во странство, за што се издвојуваат повеќе од 5 милиони евра, се посочува во објавата на Фејсбук.
Надлежните институции упатуваат апел до сите осигуреници кои имаат потреба од ваков вид на здравствена услуга, најпрво да се обратат институционално, со цел постапката да се одвива согласно законските процедури и во интерес на навремено добивање соодветна здравствена заштита.
ИЗВОР: ТВ 21
