Финска утре и официјално ќе стане членка на НАТО, соопшти кабинетот на финскиот претседател.
Оваа вест ја потврди генералниот секретар на НАТО Јенс Столтенберг. Турскиот парламент пред неколку дена ја ратификуваше клаузулата со која ѝ се дозволува на Финска да се приклучи на западната воена алијанса, отворајќи го патот за влез на Хелсинки во НАТО додека беснее војна во Украина.
Турција беше последната од 30-те членки на Алијансата што го ратификуваше членството на Финска. Турскиот претседател Реџеп Тајип Ердоган во март рече дека Финска ја обезбедила наклонетоста на Турција по преземањето конкретни чекори за одржување на ветувањата за сузбивање на групите што Анкара ги смета за терористи и за ослободување на извозот на воена стока.
Финска и Шведска поднесоа барање за приклучување кон трансатлантскиот воен сојуз минатата година како одговор на руската инвазија на Украина, но процесот беше блокиран од Турција и Унгарија. Во спротивно, парламентите на сите членки на НАТО мора да ги ратификуваат новите членки. Турција, пак, уште го одложува одобрувањето на кандидатурата на Шведска за членство во НАТО.
