Меѓународната федерација за фудбал (ФИФА) казни два клуба од Кенија и Виетнам поради манипулирање со исходот од фудбалски натпревари и ги исфрли во третите дивизии на земјите, соопштува агенцијата Ројтерс.
Дисциплинската комисија при ФИФА откри дека кенискиот Мухорони спроведувал „активности поврзани со манипулација на фудбалски натпревари и турнири“.
Дел од казната е отстранувањето на тимот од втората дивизија и испраќањето во трета. Виетнамскиот Фу То исто така е виновен за местење на натпревари и исто така е испратен од втора во трета дивизија. ДК при ФИФА додава дека двата клуба се информирани за одлуките и имаат право да ги обжалат.
Извор: kurir.mk
