Ждрепката за Светското првенство во фудбал ќе се одржи на 5 декември 2025 година во Вашингтон. Иако сè уште има време, ФИФА ги објави процедурите за извлекувањето на групите.
Според објавата на ФИФА, домаќините – Канада, Мексико и САД – ќе бидат распределени во првиот барабан, додека 39-те преостанати квалификувани селекции ќе бидат распределени во четири шешири од по 12 екипи, според рангирањето објавено пред една недела.
Двете репрезентации кои ќе дојдат на СП преку интерконтиненталните баражи, како и четирите од европските плеј-оф дуели, ќе бидат сместени во четвртиот шешир. Ова значи дека ако Македонија направи сензација и ги мине баражите ќе биде во четвртиот шешир при извлекувањето на групите за Мундијалот 2026.
Според ФИФА, вака изгледаат шеширите пред ждрепката во Вашингтон:
Шешир 1: Канада, Мексико, САД, Шпанија, Аргентина, Франција, Англија, Бразил, Португалија, Холандија, Белгија, Германија
Шешир 2: Хрватска, Мароко, Колумбија, Уругвај, Швајцарија, Јапонија, Сенегал, Иран, Јужна Кореја, Еквадор, Австрија, Австралија
Шешир 3: Норвешка, Панама, Египет, Алжир, Шкотска, Парагвај, Тунис, Брегот на Слоновата Коска, Узбекистан, Катар, Саудиска Арабија, Јужна Африка
Шешир 4: Јордан, Зелентортски острови, Гана, Курасао, Хаити, Нов Зеланд, селекции од европски плејоф А, Б, Ц и Д, селекции од интерконтинентален плеј-оф ФИФА 1 и 2
На ждрепката ќе има и некои ограничувања. „Највисоко рангираниот тим (Шпанија) и второ рангираниот тим (Аргентина) ќе бидат случајно распределени на спротивни патеки, а истото правило ќе важи и за третопласираниот тим (Франција) и четвртопласираниот тим (Англија). Ова значи дека, во случај на победа во групите, двата првопласирани тима нема да се сретнат пред финалето.
Procedures for the Final Draw for the FIFA World Cup 2026™ revealed 💡
· On Friday, 5 December, participating teams will find out which pathway they must follow in their quest to lift the trophy in New York New Jersey on Sunday, 19 July 2026
· Procedures that will govern the… pic.twitter.com/5ExgVGs8GU— FIFA Media (@fifamedia) November 25, 2025
Извор: vecer.mk
