ИСТАНБУЛ (АА) – Турскиот министер за надворешни работи Хакан Фидан во саботата рече дека вооружувањето на Блискиот Исток и на азиско-пацифичкиот регион е во пораст и предупреди дека тоа може да го доведе светот до работ на бездна и опасност од нуклеарна војна, известува Анадолу.
Истакнувајќи дека глобалниот систем се соочува со три конвенционални војни во исто време, од кои сите имаат глобални последици, министерот Фидан истакна дека Туркије е во самиот центар на овие војни.
„Стабилноста на Блискиот Исток, Јужен Кавказ и Источниот Медитеран, како и на Црното Море се примарна цел за нас“, рече Фидан на Светскиот форум на ТРТ 2024, што се одржува во Истанбул.
Тој посочи дека дека Обединетите нации, организација создадена за зачувување на меѓународниот мир и безбедност, не ја исполниле својата мисија.
„Ниту еден поредок не може да биде одржлив доколку не се темели на правдата“, додаде Фидан.
Министерот за надворешни работи на Туркије ја истакна потребата од реформирање на глобалната заедница во различни подрачја, вклучително и политиката, економијата и судството.
Извор: Anadolu Agency (AA)
