АНКАРА (АА) – Министерот за надворешни работи на Туркије, Хакан Фидан, говорејќи на состанокот за Сирија, одржан во Јордан, рече: „Наредните денови можеби нема да бидат лесни, но како Туркије ќе продолжиме да чекориме рамо до рамо со сирискиот народ“, известува Анадолу.
Министерот Фидан имаше обраќање на состанокот за Сирија што се одржа во Акаба, Јордан.
Фидан му се заблагодари на Јордан што беше домаќин на министерскиот состанок и истакна дека регионот повторно минува низ историски денови.
Потсетувајќи дека на состанокот се разговарало за Сирија, Фидан рече дека сирискиот народ заслужува да живее во безбедност, слобода и просперитет.
Истакнувајќи дека стабилноста на Сирија е исклучително важна и за регионот и за целиот свет, министерот Фидан рече:
„На сите ни треба уреден, инклузивен процес на транзиција предводен од Сиријците“.
Осврнувајќи на важноста за заштита на државните институции во овој период, министерот Фидан изјави дека е потребно да се случат и реформи, кога за тоа ќе дојде време.
– „Малцинствата мора да се почитуваат“
Министерот Фидан истакна дека мора да се зачува интегритетот на Сирија, да се зачува богатата општествена формација на Сирија, да се почитуваат сите малцинства и процесот да се спроведе со единство, взаемен компромис, внимание и грижа.
Посочувајќи на важноста меѓународната заедница да продолжи да ја поддржува Сирија обезбедувајќи ја потребната политичка поддршка и хуманитарна помош, министерот Фидан рече:
„Не треба да дозволиме тероризмот да го искористи овој транзициски период на кој било начин“.
Фидан посочи дека треба да се координираат напорите и да се извлечат поуки од грешките од минатото, истакнувајќи дека секој погрешен чекор може да доведе до нерегуларни миграции.
Посочувајќи дека нападите на Израел врз Сирија мора веднаш да престанат, Фидан продолжи со зборовите:
„Следните денови можеби нема да бидат лесни, но како Туркије ќе продолжиме да чекориме рамо до рамо со сирискиот народ“.
– „Туркије е земја која ги почитува правата на сириските Курди“
По обраќањето, министерот Фидан одговори на едно новинарско прашање.
Нагласувајќи дека Туркије се соочува со терористички закани преку нејзините граници, шефот на турската дипломатија рече:
„Ние сме под закана од Ирак и Сирија. Последните 10 години ПКК се обидува да го искористи хаосот во Сирија, сакајќи да се реструктуира во рамките на организацијата СДФ (Сириски демократски сили). Ќе ги извлечеме од таму и ќе се бориме против тероризмот на ПКК, каде и да сѐ.“
Зборувајќи дека на состанокот разговарале за овие прашања со регионалните и меѓународни партнери, министерот Фидан додаде:
„Туркије е земја која ги почитува правата на сириските Курди“.
Наведувајќи дека сакаат да ги одвојат Курдите во Сирија од терористичката организација ПКК, Фидан нагласи дека ги поддржуваат легитимните претставници на сириските Курди кои ги бранат нивните права во Дамаск.
Извор: Anadolu Agency (AA)
