Фудбалската Федерација на Македонија (ФФМ) направи значаен исчекор кон модернизација на стадионите и подобрување на спортската инфраструктура. Наместо изнајмување, федерацијата инвестираше во сопствен ЛЕД екран долг 210 метри, што создава целосно ново доживување за навивачите и спортските партнери.
Со оваа инвестиција, ФФМ обезбедува поголема видливост за спонзорите и создава модерен дигитален амбиент кој го става фудбалот на прво место. Од дрвени табли до најсовремени стандарди, федерацијата ја реализира својата јасна визија за развој на македонскиот фудбал и подобрување на условите за сите учесници.
