Федерика Могерини, поранешната шефица на дипломатијата на ЕУ, поднесе оставка од местото ректорка на Колеџот на Европа, откако беше осомничена во рамки на истрага за измама во која се вклучени Колеџот на Европа и Службата за надворешни работи на ЕУ.
„Во согласност со највисоките стандарди на строгост и правичност со кои секогаш ги извршував моите должности, денес одлучив да поднесам оставка од местото ректорка“, соопшти Могерини по состанокот на Извршниот одбор на Колеџот.
Оваа изјава дојде еден ден откако високиот функционер на ЕУ, Стефано Санино, кој исто така е осомничен, најави дека ќе се пензионира на крајот од декември. Тој е директор на Генералниот директорат на Комисијата за Блискиот Исток, Северна Африка и Заливот.
Извор: tv21
