Во координираната меѓународна операција OPSON XIV, која ја спроведе Европол, Европската канцеларија за борба против измами (OLAF), Европската комисија, како и агенции за спроведување на законот од 31 земја, вклучувајќи партнери од приватниот сектор, запленети се повеќе од 11.500 тони храна и 1,4 милиони литри пијалоци со сомнително потекло и квалитет, а вкупната вредност на запленетите производи се проценува на околу 95 милиони евра.
За време на операцијата, 631 лице беа пријавени кај надлежните судски органи, беа издадени 101 налог за апсење и беа разбиени 13 организирани криминални групи, се вели во соопштението на Европол.
Еден од највпечатливите трендови откриени за време на акцијата е инфилтрирањето на криминални групи во компаниите за отстранување на отпад, со цел да се набави храна со истечен рок, се истакнува во соопштението за медиумите на Европол.
Засега не е потврдено во кои земји требало да биде пласирана храната.
Извор: tv21
