ФИФА го реши прашањето за паузата на полувремето во финалето на Светското првенство помеѓу Шпанија и Аргентина, кое ќе се игра оваа недела на стадионот „МетЛајф“. Паузата ќе трае 17 минути, само две минути подолго од стандардната. Информацијата беше официјално потврдена од управното тело на фудбалот, објавува „Марка“.
Шпанската и аргентинската федерација се информирани дека музичките настапи на Шакира, Мадона и Џастин Бибер ќе траат вкупно 11 минути. Ова ги побива претходните најави дека паузата може да се продолжи на повеќе од половина час поради големиот број изведувачи.
Преостанатите шест минути се предвидени за поставување и отстранување на сцената и за наводнување на теренот. Ова е за да се приспособи шпанската репрезентација, која изрази загриженост за состојбата на теренот. На претходните натпревари на „МетЛајф“, теренот беше многу сув, што го забави движењето на топката.
За разлика од паузата на полувремето, правилото за паузи за освежување не се менува. Поради високите температури, судијата ќе ја прекинува играта еднаш на средина од секое полувреме во финалето, како што беше пракса во текот на целиот турнир.
Извор: vecer.mk
