Истрагата се однесува на користењето онлајн содржини за генерирање резултати од пребарување преку вештачка интелигенција (ВИ), како и за употреба на видеата поставени на платформата „Јутјуб“ за тренирање на ВИ модели, јави ДПА.
Истрагата треба да утврди дали Гугл земал туѓи текстови, вести и содржини од интернет (кои не се негови) за да ги користи во своите нови одговори со вештачка интелигенција и дали Гугл ги користел видеата од Јутјуб (кои ги поставиле обични луѓе и креатори) за да ги тренира своите вештачки интелигенции, без да праша или да плати за тоа.
Истрагата ќе процени дали „Гугл“ ги прекршува правилата на ЕУ за фер конкуренција со тоа што не им дава соодветна компензација на креаторите или не им нуди можност да го одбијат користењето на нивната содржина за резимеа генерирани од ВИ, без притоа да го изгубат пристапот до пребарувачот „Гугл Срч“ (Google Search), соопшти Комисијата.
„Навистина, многу креатори на содржини зависат од ‘Гугл Срч’ за сообраќај од корисниците, и не сакаат да ризикуваат да го изгубат пристапот до него“, се вели во соопштението објавено денеска.
Комисијата нагласи дека покренувањето истрага за да се процени дали „Гугл“ можеби ги прекршува правилата на ЕУ за фер конкуренција со злоупотреба на доминантната позиција на пазарот, не прејудицира за исходот од истата.
Извор: vecer.mk
