ЕУ ќе ја зајакнува македонската Армија со помош во опрема од 40 милиони евра

May 23, 2025
1 min read

Поддршката од ЕУ, но и нашите сојузници се должи на нашата искрена посветеност, подготвеност и професионалност да одговориме на зачувување на мирот, стабилноста и безбедноста на регионот и пошироко. ЕУ ја препозна нашата искрена заложба за зајакнување на безбедноста, вклучувајќи го и придонесот во мировните операции и одговори позитивно на барањето за зајакнување на македонската Армија со помош во опрема од 40 милиони евра, соопшти денеска министерот за одбрана Владо Мисајловски, кој заедно со високата претставничка на ЕУ за надворешна и безбедносна политика Каја Калас го посетија седиштето на Балканските медицински наменски сили (Balkan Medical Task Force).

Мисајловски упати благодарност до Калас и за поддршката од страна на Унијата во градењето на македонските одбранбени капацитети. 

„Се работи за опрема за потребите на инженеријата, за Воено-медицинскиот центар, за лесната пешадиска баталјонска група, за логистиката, технологии поврзани со разузнавање, набљудување, извидување, електронско војување, комуникациско-информациски системи, системи за команда и контрола, заштитна опрема. Со оваа помош е опфатена и обука на персоналот, онаму каде што е потребно“, појасни Мисајловски, додавајќи дека пристигнувањето на оваа опрема се одвива според планираната динамика.

Според него, поддршката што ја добиваме како и потпишувањето на партнерството за безбедност и одбрана со ЕУ е јасен показател дека Унијата го вреднува партнерството и усогласеноста на нашата земја со заедничката безбедносна и одбранбена политика на ЕУ.

„Денес сме тука, во седиштето на Балканските медицински наменски сили, меѓународна организација во која се вклучени и регионални медицински сили споспобни за брз одговор на широк спектар на ситуцаии. Оваа организација дава значаен продонес за зајакнување на регионалната соработка и ги промовира добрососедските односи. Овој регионален капацитет беше препознаен како стратешка регионална алатка и токму на таа основа ЕУ одлучи да го поддржи развојот и подобрувањето на воено медицинските сили на сите земји членки со набавка на нова модерна опрема во вредност од шест милиони евра, од кои два милиони евра беа наменети за нашата земја“, подвлече Мисајловски.

Како земја која се гледа во големото европско семејство и земја членка на НАТО, како што рече, соработката во одбраната е приоритет.

Високата претставничка на ЕУ за надворешна и безбедносна политика Каја Калас по посетата на седиштето на Балканските медицински наменски сили (Balkan Medical Task Force) изјави дека се работи за силен пример за регионална соработка што дава резултати. 

„ЕУ ја поддржува оваа иницијатива, и политички и финансиски бидејќи таа точно го одразува она за што се залагаме во Западен Балкан, доверба, партнерство и постигнување видливи резултати за луѓето. Оваа иницијатива е уште поважна бидејќи се однесува на спасување животи. Ние исто така ја поддржуваме Северна Македонија преку билатерална воена помош“, потенцира Калас.

Таа информира дека ЕУ има издвоено 38 милиони евра за Армијата на Северна Македонија, вклучувајќи ја и последната транша од 15 милиони евра, одобрена во април.

„Северна Македонија е доверлив партнер, целосно усогласен со заедничката надворешна и безбедносна политика на ЕУ, придонесувајќи во операциите на ЕУ, особено во Мисијата на силите на Европската унија (ЕУФОР) Алтеа во Босна и Херцеговина и тоа многу го цениме“, истакна Калас.

ИЗВОР: racin.mk

MARKETING

MARKETING

Претходно

Венс: Трамп ќе употреби воена сила само ако има јасни цели

Следно

Мицкоски: Време е сите граѓани без разлика на етничка припадност, заедно да изградат општество на еднаквост и соживот

Latest from Blog

ЦУК: Активни три пожари во земјава

На територијата на Република Северна Македонија имаше вкупно 25 пожари на отворен простор, велат од ЦУК. 3 активни 5 под контрола 17 изгаснати Активни: 3  1. Општина Василево, Општина Радовиш и Општина

Донесен законот со кој учениците од верските училишта ќе можат да полагаат државна матура и да се запишуваат на универзитетите

Целта на законот, како што е наведено во образложението, е да се обезбеди најдобриот интерес на учениците запишани во верските училишта, преку создавање законска можност за полагање на државна матура согласно со

Кривична пријава за градоначалникот на Кичево, Фатмир Дехари

МВР поднесе кривична прјава против градоначалникот на Кичево, Фатимр Дехари затоа што како што се вели во соопштението дозволил формирање на дива депонија на повеќе илјад квадратни километри. – ОВР Кичево поднесе

Токаев: Казахстан му придава посебно значење на заедничкиот развој на ИТ секторот со Турција

АНКАРА/ИСТАНБУЛ (АА) – Казахстанскиот претседател Касим Џомарт Токаев денес изјави дека неговата земја му придава посебно значење на заедничкиот развој на информатичките технологии (ИТ) со Турција, известува Анадолу. „Му придадовме посебно значење
Go toTop