ИСТАНБУЛ (АА) – Амбасадорите на Европската Унија (ЕУ) се договорија за ограничувањето на цената на руските нафтени деривати, соопшти шведското претседателство со Советот на ЕУ, пренесува Анадолу.
„Амбасадорите на ЕУ ги одобрија ограничувањата на цените на нафтените деривати пред конечното нивно усвојување од Советот на ЕУ“, напишаа на Твитер. „Важен договор како дел од континуираниот одговор на ЕУ и партнерите на руската агресија против Украина.“
Претседателката на Европската комисија, Урсула фон дер Лајен, на Твитер напиша: „Со Г7 ставаме ограничувања на цените на овие производи, ги намалуваме приходите на Русија и обезбедуваме стабилни глобални енергетски пазари“, нагласувајќи дека ЕУ мора да продолжи да ја лишува Русија од средствата за финансирање на војната против Украина.
Фон дер Лајен истакна дека забраната за увоз на руски нафтени деривати стапува на сила утре [недела].
Минатата недела, Комисијата предложи од 5 февруари ЕУ да го примени ограничувањето на цената од 100 долари за барел за премиум руските нафтени производи, како што е дизелот, и ограничување од 45 долари за барел за производи со намалени цени, како што е мазутот.
Извор: www.aa.com.tr
