ИСТАНБУЛ (АА) – Еруптира вулканот Кључевскаја во регионот Камчатка во Источна Русија, пренесува Анадолу.
„Ерупција од стромболски тип започна вечерва на вулканот Кључевскаја“, изјави доцна синоќа Олга Гирина, шеф на Тимот за одговор за вулканска ерупција на Камчатка (КВЕРТ), за руската државна новинска агенција РИА.
Гирина истакна дека на сателитските снимки е забележана „светла термална аномалија“ и додаде дека на вулканот се забележува спазматично треперење.
Таа, исто така, рече дека во моментов ерупцијата не претставува никаква закана за локалното население или за воздухопловството бидејќи сè уште не се забележани емисии на пепел.
Со надморска височина од 4.750 метри Кључевскаја Сопка е највисок активен вулкан на евроазискиот континент. Неговата последна ерупција се случи во октомври 2020 година.
Најблиското населено место до вулканот се наоѓа на околу 30 километри од кратерот.
Извор: www.aa.com.tr
