МОСКВА (АА) – Парламентот на Ерменија денес го ратификуваше Римскиот статут, ставајќи ја земјата под надлежност на Меѓународниот кривичен суд (МКС) со седиште во Хаг, известува Анадолу.
Шефот на ерменскиот Парламент, Слен Симонјан, соопшти дека 60 пратеници гласале за придружување на Ерменија во меѓународниот механизам, а 20 биле против.
Во март МСК издаде налог за приведување на рускиот претседател Владимир Путин, обвинувајќи го дека незаконски депортирал стотици деца од Украина. Москва ги отфрли обвинувањата.
Ерменија одлучи да се приклучи кон МКС во март, што предизвика негативни реакции од страна на Русија.
Москва ги нарече намерите на Ерменија апсолутно неприфатливи, земајќи го предвид налогот на МКС за приведување на Путин.
Министерството за надворешни работи на Русија објави дека Ерменија, сојузничка на Москва, е предупредена за крајно негативните последици од таквиот потег врз билатералните односи.
Римскиот статут на Меѓународниот кривичен суд, усвоен 1998 година во главниот град на Италија, е договор со кој е основан Меѓународниот кривичен суд.
