МЕКСИКО СИТИ (АА) – Екстремно високите температури се причина за смртта на 249 лица во Мексико во последните четири месеци, пренесува Анадолу.
Министерството за здравство на Мексико објави извештај за смртни случаи во земјата поради екстремните температури како последица на климатските промени.
Во периодот од 19 март до 22 јули починале 249 лица како последица на екстремно високите температури. Термометрите во Мексико кон крајот на јуни покажуваа 45 Целзиусови степени.
Најголем број смртни случаи се регистрирани во Нов Леон, каде што животот го загубиле 100 лица.
Околу 92,4% од смртните случаи се предизвикани од топлотен удар, а другите поради жед.
Мексиканската Влада препорачува често да се пијат најмалку 2 литра вода во текот на денот за да може полесно да се поднесат горештините и да не се излегува надвор доколку тоа не е неопходно.
Во истиот период минатата година 38 лица починаа од екстремни горештини во Мексико.
Националната метеоролошка служба (SMN) објави дека „ги доживеале најзашеметувачките денови во последните години“ во Мексико, каде што температурата надминувала 40 Целзиусови степени.
Светската метеоролошка организација (WMO) објави дека топлотниот бран постојано се зголемува и светот би требало да биде подготвен за поинтензивни топлотни бранови.
Извор: www.aa.com.tr
