ИСТАНБУЛ (АА) – Египетскиот претседател Абдел Фатах ал-Сиси денес повторно го отфрли префрлањето на жителите на Газа на Синајскиот Полуостров поради израелското бомбардирање на Појасот Газа, јавува Анадолу.
Говорејќи на заедничката прес-конференција со германскиот канцелар Олаф Шолц во Каиро, Ал-Сиси рече дека милиони Египќани ќе го поддржат официјалниот став, објави „Каиро њуз канал“.
Ал-Сиси предложи привремено преместување на Палестинците во пустината Негев во Израел додека таа земја „ги заврши своите воени операции“.
Над 500 лица загинаа синоќа во израелски воздушен напад врз баптистичката болница Ал-Ахли во Газа, изјави за Анадолу портпаролот на Министерството за здравство на Газа, Ашраф ал-Кудра.
Борбите започнаа на 7 октомври кога Хамас ја почна операцијата „Поплава Ал Акса“, ненадеен напад од повеќе страни со низа лансирања на ракети и инфилтрирање во Израел преку копно, море и воздух. Хамас наведе дека операцијата е одмазда за упадите во џамијата „Ал Акса“ и зголеменото насилство од страна на еврејските доселеници врз Палестинците.
Потоа израелската војска ја започна операцијата „Железни мечеви“ кон позициите на Хамас во Појасот Газа.
Досега во вооружениот конфликт загинаа над 4.700 лица, од кои најмалку 3.300 Палестинци и над 1.400 Израелци.
