АНКАРА (АА) – Едно лице е убиено, а пет други се повредени од израелски оган во јужен Либан, објави Либанската државна новинска агенција, пренесува Анадолу.
Лицето е убиено во градот Хула, додека петмината се повредени во Кфаркила.
Ова се случи и покрај истекот на рокот за повлекување на израелската армија од јужен Либан. Израел претходно изјави дека повлекувањето може да потрае подолго од 60-дневниот временски рок.
До петокот, израелската армија го прекрши речиси 660 пати прекинот на огнот кој стапи на сила кон крајот на ноември минатата година.
Либан и Израел постигнаа договор за прекин на огнот на 27 ноември за ставање крај на повеќе од 14-месечните борби меѓу израелската армија и либанската група на отпорот Хезболах.
Податоците од либанското Министерство за здравство покажуваат дека од почетокот на нападите на Израел врз Либан на 8 октомври 2023 година, убиени се најмалку 4.068 луѓе, меѓу кои и деца, жени и здравствени работници, додека 16.670 се повредени.
Извор: Anadolu Agency (AA)
