Единствениот преживеан од падот на авионот на „Ер Индија“ во кој загинаа 241 лице изјави дека се чувствува „најсреќниот човек на светот“, но исто така е во силна физичка и ментална болка. Вишвашкумар Рамеш, чија неверојатна снимка од него како се оддалечува од местото на падот на летот за Лондон во Ахмедабад стана вирална, го опиша своето преживување како „чудо“.
Во несреќата која се случи во јуни, го изгуби и својот помлад брат кој седел неколку реда подалеку. Боингот 787 се урна кратко по полетувањето од западна Индија, по што се запали. Снимките кои се проширија го покажаа Рамеш како го напушта местото на несреќата, додека зад него се креваше гус чад.
Во емотивно интервју за „Би-Би-Си“, тој рече дека е чудо како преживеал.
„Јас сум единствениот преживеан. Се уште не верувам во тоа, тоа е чудо. И јас го загубив и мојот брат. Мојот брат беше столб. Секогаш ме поддржуваше“, изјави Рамеш.
Трагедијата му го уништила семејниотиво.
„Сам сум. Седам сам во мојата соба, не сакам да разговарам со никого – ниту со сопругата, ниту со синот. Сакам само да бидам сам“, изјави Рамеш.
Веднаш по несреќата, додека се опоравувал во болница во Индија, тој опишал како успеал да се ослободи и да се извлече од остатоците. Таму го посетил индискиот премиер Нарендра Моди. Покрај патниците и екипажот, во несреќата загинале и 19 лица на земја. Меѓу загинатите на бродот имало 169 индиски и 52 британски државјани.
Во прелиминарниот извештај на Одделот за истрага на воздушни несреќи на Индија, објавен во јули, се вели дека снабдувањето со гориво до моторите било прекинато само неколку секунди по полетувањето. Истрагата е сè уште во тек.
Тоа беше прв пат 39-годишникот да разговара со медиумите откако се врати во својот дом во Лестер, Велика Британија. Опкружен со локалниот водач на заедницата Санџив Пател и портпаролот Рад Зајгер, Рамеш рече дека е премногу болен за да се сети на деталите од катастрофата и се расплакал неколку пати за време на интервјуто.
„Физички сум уништен, исто така и ментално. Моето семејство исто. Мајка ми седи пред вратата секој ден во последните четири месеци и молчи. Не зборувам со никој друг, не можам да заборувам. Мислам дека страдам ментално. Секој ден е болен за целото семејство“, изјави тој.
Рамеш исто така претрпел и физички трауми. Тој денеска страда од болки во ногата, рамото, коленото и грбот. Поради повредите, не може да работи, ниту да вози.
„Не се движам правилно, одам полека, а сопругата ми помага“, додаде Рамеш.
„Ер Индија“ му понуди на Рамеш привремена компензација од 21.500 фунти, која тој ја прифати, но неговите советници велат дека тоа не е ни приближно доволно за да ги покрие неговите основни потреби. Семејниот бизнис за риболов во Индија, кој го водеше со својот брат, оттогаш пропадна.
Летот 171 на „Ер Индија“ се урна 32 секунди од полетувањето од аеродромот Ахмедабад во Индија. Требаше да лета до Лондон. 12 членови на екипажот загинаа и 229 патници од авионот, додека на земја загинаа 19 лица. Се урна во блок на студентски домови на Медицинскиот колеџ во Ахмедабад.
🚨 Ramesh Vishwakumar, the only known survivor of the Air India crash in Ahmedabad, managed to escape by leaping from the aircraft. He was seated in 11A at the time of the incident.
Recalling the harrowing moments, Ramesh said, “The plane went down just 30 seconds after takeoff. pic.twitter.com/LfDSLfDiko
— Weather Monitor (@WeatherMonitors) June 12, 2025
Извор: tv21
