Еден загинат и неколку повредени во пукање во Хрватска, напаѓачот е во бегство

Во меѓувреме, во тек е гаснење на пожар на три објекти, а пожарот, како што јавува Хрватската радио-телевизија (ХРТ), е поврзан со овој настан

Едно лице е убиено, а неколку други се ранети во пукање кое вечерва се случило во градот Сисак во Хрватска.

Според официјалните информации кои ги пренесе Хрватската радио-телевизија (ХРТ), напаѓачот е во бегство, а во моментов полицијата трага по него. Мажот наводно пукал со калашников.

Во меѓувреме, во тек е гаснење на пожар на три објекти, а пожарот, како што јавува ХРТ, е поврзан со овој настан.

Градот Сисак, кој се наоѓа во централна Хрватска, е блокиран, а полицијата го обезбедува местото на настанот.