Еден убиен и 15 повредени, меѓу кои и две деца, во руски ракетен напад врз болница во Днипро

Днипро во текот на ноќта бил цел на продолжен ракетен напад. Украинските сили тврдат дека собориле десет ракети и 25 беспилотни летала лансирани на нивна територија од Русија

Едно лице е убиено, а 15 се повредени во руски ракетен напад врз болница во градот Днипро, објави украинскиот претседател Володимир Зеленски, пренесува „Гардијан“.

„Руските терористи уште еднаш го потврдуваат својот статус на борци против сè што е хумано и чесно. Ракетен напад на клиника во градот Днипро. Засега едно лице загина, а 15 се ранети. Последиците од гранатирањето се расчистуваат, а жртвите се спасуваат. Вклучени се сите потребни служби. Моето сочувство до семејството на починатиот. Овие нелуѓе мора да ги победиме неповратно и што поскоро. Затоа што нашето време е нашиот народ. А нашиот народ е најскапоценото нешто во Украина“,

објави Зеленски.

Днипро во текот на ноќта бил цел на продолжен ракетен напад. Украинските сили тврдат дека собориле десет ракети и 25 беспилотни летала лансирани на нивна територија од Русија.

На социјалните мрежи се појавија снимки од погодената болница на кои се гледаат повредени луѓе меѓу урнатините на објектот. Автентичноста на објавените видео-снимки, како што споменуваат агенциите, засега не може да биде потврдена од независни извори.

⚡️Zelensky: 1 killed, 15 injured in Russian strike on clinic in Dnipro.

According to President Volodymyr Zelensky, the rescue operation is ongoing at the site of the missile strike that Russian forces launched on the morning of May 26.

Video: President’s Office pic.twitter.com/AWoJfZa1J1

— The Kyiv Independent (@KyivIndependent) May 26, 2023

Гувернерот на Днепропетровската Област, Серхиј Лисак, споделувајќи фотографии од медицинската установа во Днипро, изјави дека меѓу повредените има и две деца.

„Еден мртов. 15 повредени. Меѓу нив има и две деца. Продолжува спасувањето на настраданите. Ова се прелиминарни податоци за последиците од ракетниот напад врз Днипро. Беа погодени две згради. Пожарот зафатил вкупно 500 квадратни метри. Спасувачите сега ги гаснат пожарите“,

изјави Лисак.