Две лица загинаа а 13 се повредени откако автобус од Бања лука кој превезувал просветни работници на излет, се забил во ѕид на влезот на Требиње.
Несреќата се случила утринава околу 6:40 ч. а автобусот најпрвин удрил во десната страна на брдото, а како резултат на огромната сила по импактот, излетал и се забил во камениот ѕид на куќа. На местото на несреќата загинале возачот на автобусот и еден од патниците, додека пак повредените се пренесени во болницата и сите се наоѓаат во стабилна здравствена состојба.
Ортопедот Владо Рашевиќ потврди дека пациентите се примени, и кажа дека од 13 повредени, само три лица се со потешки повреди
„Три пациенти се со тешки телесни повреди, а од нив еден е згрижен на интензивна нега и тој се здоби со повреди на десната бутна коска, додека пак другите двајца имаат скршеници на колкот односно градни пршлени“,
изјави д-р Рашевиќ.
Босанската полиција ќе испитува дали станува збор за возачка грешка или пак техничка неисправност на возилото.
Извор: 360stepeni.mk
