Две деца меѓу загинатите во експлозиите на пејџери во Либан

September 18, 2024
1 min read

ИСТАНБУЛ (АА) – Две деца трагично ги загубија животите во масовните експлозии на безжичните уреди пејџери во различни делови на Либан, јавува Анадолу.

Фатима Џафар Абдула (9) загина во експлозија во близина на домот на нејзиното семејство во регионот Бека во Источен Либан, според репортерот на Анадолу.

Членовите на нејзиното семејство споделија детали за нејзината трагична смрт во разговор за Анадолу.

„Фатима учеше и сакаше да му го однесе пејџерот на татко ѝ кога неочекувано ѝ експлодира во рацете“, рече нејзиниот братучед Мухамед Абас Абдула за време на погребната поворка.

На видеото од погребот се гледа како нејзината тетка плаче додека се збогува со малото девојче.

„Имаше само девет години, Боже мој, благослови ја нејзината душа“, рече нејзината тетка. „Се врати дома и почна да ја пишува домашната задача. Таа беше многу интелигентна.“

„Последниот пат кога ја видов ми кажа дека чувствува дека сите луѓе ја сакаат“, се сеќава таа. „Јас ѝ реков дека тоа е точно затоа што е паметна и совесна и затоа сите луѓе ја сакаат.“

Единаесетгодишното момче Мухамед Билал Кинг, исто така, го загуби животот во експлозија на пејџер во предградието Гобеири во Бејрут.

Неговиот погреб е закажан за денес, а ќе биде погребан заедно со тројца членови на Хезболах, вклучително и син на пратеник.

Либанските корисници на социјалните мрежи ги споделуваа имињата и сликите на Фатима и Мухамед, жртви на експлозиите што ја потресоа земјата вчера.

Според либанските власти, во масовните експлозии на пејџери низ Либан вчера загинаа најмалку 12 лица, а околу 2.800 се повредени.

Либански безбедносни извори рекоа дека израелската шпионска агенција Мосад поставила експлозив во пејџерите што ги користеле припадниците на Хезболах неколку месеци пред да експлодираат.

Во пејџерите „било ставено неколку грама тешко забележлив експлозив, сместен во батеријата на начин што гарантира дека не може да биде откриен со сензори или какви било алатки за откривање експлозив“, изјави за Анадолу Мунир Шехада, поранешен координатор на либанската Влада со Мировната мисија на ОН, УНИФИЛ.

Амбасадорот на Либан во Обединетите нации, Хади Хахем, експлозиите на пејџерите ги нарече „агресија што се претвора во воено злосторство“ и предупреди дека тоа ќе го влоши конфликтот.

Израел нема коментар за експлозиите на пејџерите, а Хезболах вети дека ќе му возврати на Израел по експлозиите.

Експлозиите на пејџерите се случија во време на зголемени погранични ескалации меѓу Израел и Хезболах, кои разменуваат прекуграничен оган од почетокот на смртоносната војна на Тел Авив во Појасот Газа, во која од 7 октомври минатата година загинаа над 41.200 луѓе, главно жени и деца.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Копретседавачите на македонско-бугарската комисија го усогласуваат терминот за следниот состанок

Следно

Рома го експресно го најде новиот тренер

Latest from Blog

Општина Битола: Продолжува креирањето на буџетот за 2027 година заедно со граѓаните

Општина Битола го најави одржувањето на третиот буџетски форум, на кој граѓаните ќе имаат можност да учествуваат со свои идеи, предлози и иницијативи во процесот на креирање на општинскиот буџет за 2027

Божиновска: На 25 ноември во Скопје го отвораме Првиот форум за енергетска дипломатија

На 25 ноември, во хотелот „Александар Палас“ во Скопје, ќе се одржи Првиот форум за енергетска дипломатија „Обновливи извори и жените во енергетиката“, најави министерката за енергетика, рударство и минерални суровини, Сања

Николоски од Виена: Македонија ќе стане клучна транспортна крстосница во Југоисточна Европа

Предизвикот за земјите од регионот е како заеднички да настапуваат на европскиот пазар, како да се натпреваруваат со конкуренцијата и како да се постигне повисоко ниво на развој. За овие прашања,  за

Тоневски: Пробиштип со подобри услови за итни медицински интервенции

Две нови, современо опремени амбулантни возила пристигнаа во ЈЗУ Здравствен дом „Нада Михајлова“ во Пробиштип, информира градоначалникот Тони Тоневски. Според него, возилата ќе придонесат за подобри услови за работа на службата за

Николоски: Инвестираме меѓу 5 и 6 милијарди евра во коридорите 8 и 10, Македонија ќе стане вистинска крстосница на Балканот

Заменик-претседателот на Владата и министер за транспорт, Александар Николоски, денеска се обрати на 23. Виенски економски форум, каде што ја истакна важноста на регионалната економска соработка, заедничкиот настап на европскиот пазар и
Go toTop