Двајца загинати и тројца тешко повредени во сообраќајна несреќа кај Росоман

Според привичните информации, до несреќата дошло при верижен судир на четири возила, а смртта кај двете лица била констатирана на самото место. На терен интеревенирала и Територијалната противпожарна единица од Кавадарци со две возила и шест пожарникари

Две лица загинаа, а три се тешко повредени во сообраќајна несреќа што утрово се случила на патот од Прилеп кон Градско, кај Росоман. Првичните информации за настраданите и повредените во несреќата за МИА ги соопшти доктор Ратко Грков, раководител на Итната помош во Кавадарци.   

„Итната медицинска помош веднаш замина на лице место по дојавата за сообраќајка кај Росоман, со три екипи. Вклучени се и вработени што не беа на смена, кои беа подготвени да помогнат во секој момент“,

изјави Грков.  

Смртта кај двете лица, според информациите, била констатирана на самото место. 

На терен интеревенирала и Територијалната противпожарна единица од Кавадарци со две возила и шест пожарникари. 

Според првичните информации, до несреќата дошло при верижен судир на четири возила.  

Повеќе детали за сообраќајната несреќа се најавуваат за подоцна во текот на денот.  

Како што соопштил претходно портпаролот на СВР Велес, Ристе Самарџиев, поради несреќата, сообраќајот на овој патен правец е во прекин.