ГАЗА (АА) – Двајца палестински новинари се убиени изутрина во воздушен напад на израелски воени авиони на Појасот Газа, пренесува Анадолу.
Саид Ал-Тавил и Мохамад Соб се меѓу убиените додека го снимале нападот на станбена зграда од страна на израелски воени авиони во областа Римал во Западна Газа, според информациите до кои дојде Анадолу од различни извори.
За време на бомбардирањето, наводно, биле повредени и други новинари во оваа област.
Во текот на ноќта израелски воени авиони бомбардираа различни области во Газа.
Во подрачјата каде што материјалната штета е голема, сѐ уште нема официјални соопштенија за бројот на жртви и повредени.
