Дваесет Палестинци загинаа во израелски воздушен напад во централниот и јужниот Појас Газа

АНКАРА (АА) – Најмалку 20 Палестинци, од кои 10 деца, загинаа, а неколку се повредени во израелски воздушени напади врз области во централниот и јужниот дел на Појасот Газа, јавува Анадолу.

Медицински извори во болницата Ал-Акса во Деир ал-Балах за Анадолу изјавија дека примиле 15 жртви и неколку повредени од израелско бомбардирање чија цел била областа Ал-Заваида во централниот дел на Појасот Газа.

Тие додадоа дека спасувачките екипи извлекле две тела и неколку ранети по воздушен напад врз куќа во населбата Шеик Радван, северно од градот Газа.

Исто така, двајца Палестинци се убиени во израелско гранатирање на областа Ал Зана, источно од Кан Јунис, во јужниот дел на Појасот Газа, соопштија изворите

Тие додадоа дека шестгодишно палестинско дете е убиено, застрелано во главата од израелски дрон во шатор за раселени западно од Кан Јунис.

Израел, прекршувајќи ја резолуцијата на Советот за безбедност на Обединетите нации со која се бара итен прекин на огнот, се соочи со меѓународна осуда поради неговата континуирана брутална офанзива врз Газа по нападот на 7 октомври минатата година од палестинската група на отпорот Хамас.

Во израелскиот напад оттогаш загинаа над 40.000 луѓе, главно жени и деца, а повредени се над 92.400, според локалните здравствени власти.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.