Двократниот олимписки шампион, шведскиот атлетичар Арманд Дуплантис се осврна на својот 12-ти светски рекорд во скок со стап.
Дваесет и петгодишниот спортист се истакна на сцената на Дијамантската лига во Стокхолм, покажувајќи резултат од 6 метри 28 сантиметри.
-Баба ми сакаше да ветам дека ќе го соборам светскиот рекорд денес. И го направив тоа. Имаше голем притисок да победам пред баба ми. Затоа мило ми е што успеав да го направам тоа за неа, изјави Дуплантис за „STV“.
Својот претходен светски рекорд (6,27 м) Швеѓанецот го постави во март на натпревар во Клермон (Франција).
Пред Дуплантис, светскиот рекорд 6,14 метри цели 26 години беше сопственост на Сергеј Бубка, украински атлетичар кој скокаше за тогашниот СССР. Во 2020 година тогаш 20-годишниот Дуплнтис скокна 6,15 метри за време на Дијамантската лига во Рим.
Извор: kurir.mk
