ДУИ: Изјавите на премиерот Мицкоски се повторување на тактика позната од прирачникот на секој пропаднат авторитарен режим

December 30, 2024
1 min read

Од ДУИ велат дека изјавите на премиерот Христијан Мицкоски се повторување на тактика позната од прирачникот на секој пропаднат авторитарен режим: измислување „непријатели“ за да се прикрие неспособноста за водење на државата.  

„Тој не треба да се импресионира од својата реторика, бидејќи овој пристап – демонизирање на противниците и фабрикување на имагинарни кризи – е стара стратегија која секогаш пропаѓа пред реалноста. 

Во обид да ги замолчи Албанците и нивната реакција против деградирањето на Охридскиот договор, Мицкоски се обидува да ги претстави ДУИ како наводна закана за стабилноста.  

Истовремено, наводните „антикорупциски“ политики, создадени во луксузниот дворец на најбогатата партија во Европа, не се ништо повеќе од маска за недостатокот на визија. 

 Додека инфлацијата го оптоварува секое семејство, додека европската интеграција е блокирана и додека меѓуетничките тензии се на раб , Мицкоски продолжува со политики на поделби и демонизација.  

Овој пристап е јасен доказ за неговата неспособност да раководи и да се справи со кризите кои ја доведоа државата во ќорсокак. 

Повеќе од две години, Мицкоски преку агресивна кампања и пропаганда го поттикнува анти-ДУИ сентиментот, обидувајќи се неуспесите на три децении државно владеење, кои произлегуваат од корупцијата на македонските партии, да ги припише на ДУИ и Албанците. 

 Со тоа, тој го оправдува селективниот пристап што се применува во борбата против овој феномен. 

 Граѓаните разбираат дека лидер кој создава поделби и се фокусира на „имагинарни непријатели“ не е способен да ги реши вистинските проблеми со кои тие се соочуваат. 

Наместо да донесе нова перспектива и да ја води државата кон европска интеграција, Мицкоски ја води Северна Македонија кон изолација и назадување.  

ДУИ останува посветена на заштитата на Охридскиот договор, меѓуетничката стабилност и европската иднина на Северна Македонија. 

 Албанците, заедно со сите граѓани, ќе ги отфрлат политиките на поделби и ќе бараат лидерство кое носи правда, развој и еднаквост за сите. 

Мицкоски треба да сфати дека граѓаните повеќе не може да бидат измамени од неговата стара и позната реторика – тие јасно гледаат дека тоа е само прикривање на недостатокот на визија“, велат од ДУИ.

ИЗВОР: ТВ 21

MARKETING

MARKETING

MARKETING

Претходно

Околу 70 илјади работници не ја добиле ноемвриската плата

Следно

Детали од ОЈО Скопје: Предложени притворски и други мерки за осомничени за криумчарење луксузни автомобили

Latest from Blog

Француски новинар: Израел брутално приведува и испрашува луѓе на окупираните територии во Сирија

АНКАРА (АА) – Силвен Меркадиер, француски новинар приведен од израелската војска на сириска територија, раскажа дека бил тепан и „брутално испрашуван“ од израелски војници. Меркадиер, кој беше приведен заедно со сирискиот активист

Стоилковиќ открива: Во министерството ги нема голчињата и кошот на Груби, но има многу криминал и аздис

На прашањето дали наследувајќи го Артан Груби во Министерството за односи меѓу заедниците, (кое претходно беше фузирано со Политички систем) со дел од просториите ги наследи и голчињата и кошот на поранешниот

Филхармонијата со демант на Отвореното писмо на диригентката Дијана И. Илкоска

Од НУ Филхармонија на Република Северна Македонија пристигна демант на текстот „Скандал: Филхармонија ѝ забрани влез на Дијана Имери Илкоска и ја остави на улица диригентката од светски глас“, објавен на ден
Go toTop