ДСЗИ ќе бара од Таравари формирање стручна комисија за лекувањето на деветгодишното дете

January 20, 2025
1 min read

Државниот санитарен и здравствен инспекторат (ДСЗИ) ќе побара од министерот за здравство Арбен Таравари да се формира стручна комисија за лекувањето на деветгодишното дете од светиниколско, кое почина на 14 јануари. Информацијата денеска за МИА ја потврди директорот на Инспекторатот, Кирил Лазов.

Вонреден инспекциски надзор за лекувањето на детето беше извршен на три места – почнувајќи од матичниот лекар, Клиничката болница – Штип и на Клиниката за детски болести во Скопје. Од извршените вонредни инспекциски надзори во овие здравствени установи, Државниот санитарен и здравствен инспекторат не констатирал недостатоци.

Стручната комисија треба да утврди дали имало некоја лекарска грешка при лекувањето на деветгодишното дете.

Во приватната здравствена установа, детето се појавило заради болки во стомакот и повраќање, кашлање, висока температура и не спиење претходниот ден.

– При преглед, детето било поспано, афебрилно, без убедливи знаци за дехидратација. Направени му се лабораториски испитувања по што дадена му е инфузиона терапија во тек на која кај детето настапува сомнолентност со слаба реакција на говор заради што е упатено во ЈЗУ Клиничка болница – Штип, беше појаснето од страна на ДСЗИ по надзорот.

Во Клиничката болница во Штип, детето било донесено со такси возило, примено попладнето околу 18 часот, прегледано од дежурен доктор при што била поставена дијагноза сомноленција.

– Во ЈЗУ КБ – Штип, повторно му се извршени лабораториски испитувања и дополнително КТМ на глава. Заради општата лоша здравствена состојба како и наодите од лабораториските испитувања и КТМ, детето во придружба на медицинска екипа – доктор, сестра, со болничко возило транферирано е во ЈЗУ Универзитетска клиника за детски болести. Во ЈЗУ УК за детски болести, детето е донесено на 14 јануари во 20:25 часот како итен случај со дијагноза сомноленција по претходна најава и договор за прием со дежурен доктор од Одделот за неврологија на Клиниката. На прием детето е во општа тешка состојба поради што веднаш е започната со рехидратација и корекции на биохемиски параметри. Во 22:25 часот има дополнително влошување со респираторен и кардиак аррест, започната е реанимација во тек на која е симнато на ОИНТ за понатамошен третман. Состојбата на детето и понатаму се влошува и покрај сите пропратни интервенции, реанимацијата не е прифатена и во 23.30 часот настапува егзитус, појаснија од ДСЗИ.

ИЗВОР: kurir.mk

MARKETING

MARKETING

MARKETING

Претходно

Средношколски Форум: Денеска нема настава во 90 отсто од средните училишта во Белград

Следно

Концертот „Филхармонија на кирилица“ ќе се одржи без солитичкиот дел на пијанистката Нина Костова

Latest from Blog

Децата учат да скијаат на Попова Шапка: Спорт што ги гради самодовербата и дисциплината кај децата

На Попова Шапка децата ги добиваат првите инструкции за скијање, спорт кој вклучува забава и физичка активност. Специјализирани инструктори нудат курсеви за тие кои сакаат да научат да скијаат. Инструкторот, Војче Станковски

Туркије, по 12 години, повторно го отвори својот Генерален конзулат во сириски Алепо

ИСТАНБУЛ (АА) – Туркије денес повторно го отвори својот Генерален конзулат во Алепо, Сирија, кој ја прекина работата во 2012 година поради граѓанската војна во Сирија, јавува Анадолу. На отворањето на Генералниот

Хамилтон во базата на Ферари: Многу сум среќен што денес го исполнувам мојот сон

Седумкратниот светски шампион во Формула 1, Луис Хамилтон денеска ја објави својата прва фотографија од базата на Ферари во Маранело. Британецот е во костум, пред легендарниот модел на Скудерија Ф40 и пред
Go toTop