Драма во Брисел: Европски истражители ги чешлаат пораките меѓу Урсула фон дер Лајен и шефот на Фајзер!

April 1, 2024
1 min read

Европското јавно обвинителство (ЕППО) во моментов ја чешла внатрешната кореспонденција меѓу шефицата на Европската комисија, Урсула фон дер Лајен и шефот на фармацевтската компанија Pfizer, Алберт Бурле, пренесува Politico.

Станува збор за случај што беше инициран во Лиеж на почетокот на 2023 година од страна на 36-годишниот белгиски лобист, Фредерик Балдан, поради сомневање за „злоупотреба на јавна функција, судир на интереси и корупција“.

И покрај тоа што деталите за самиот случај се обвиткани во тајност, бидејќи истрагата сѐ уште е во тек, добро упатени извори кои под услов да останат анонимни биле подготвени да откријат на редакцијата на Политико за што се работи, тврдат дека првиот човек на Комисијата, покрај наведените кривични дела, е осомничен и за саботирање на истражниот процес поради уништување на доказниот материјал, односно бришење спорна кореспонденција.

На целиот скандал уште посериозна нота му дава фактот што ЕППО го презеде случајот од белгиските власти, поради што целата Комисија може да се најде под лупата на европските истражители и тоа во пресрет на претстојните избори за Европскиот парламент, каде актуелната шефица сака да обезбеди уште еден мандат на чело на ЕУ.

Европската комисија досега упорно избегнуваше да дава какви било официјални информации за случајот, а формално не го потврди за медиумите ниту самото постоење на спорната преписка меѓу Фон дер Лајен и Бурле.

Да потсетиме, договорот за испорака на вакцините на Фајзер со проценета вредност од 20 милијарди долари во 2022 година беше протолкуван како еден од најголемите триумфи на Комисијата на Урсула фон дер Лајен. Но, во меѓувреме се покажа дека нарачката била нереално голема, поради што вредноста на „пропаднатите“ дози се проценува на 4 милијарди евра.

И покрај тоа што политичките ривали на шефот на Комисијата, како и бројни невладини организации одговорни за промовирање на транспарентноста, инсистираа Фон дер Лајен да даде изјава за целиот скандал, таа упорно го избегнуваше.

Подносителот на претставката што го започна овој скандал, фон дер Лајен, обвини дека ги договарала условите за таква профитабилна набавка преку приватни комуникациски канали и ги заобиколила строгите правила на ЕУ за јавни набавки, поради што се сомнева во постоење на корупција.

Истрагата првично беше отворена од белгиските правосудни власти во градот Лиеж на почетокот на 2023 година, по кривичната пријава поднесена од локалниот лобист Фредерик Балдан. Подоцна му се придружија унгарската и полската влада – иако последната е во процес на повлекување на својата жалба по победата на изборите од страна на про-ЕУ влада предводена од Доналд Туск.

Извор: alsat.mk

MARKETING

MARKETING

Претходно

Израелската војска целосно ја уништи и се повлече од болницата Шифа

Следно

Обновата на мостот во Балтимор би можела да чини најмалку 2 милијарди долари

Latest from Blog

Алијансата на Албанците излегува од Владата – Таравари најави премин во опозиција

По состанокот на Алијансата на Албанците, претседателот Арбен Таравари вечерва на прес-конференција изјави дека ја напуштаат владината коалиција и преминуваат во опозиција. – Денеска Алијансата на Албанците едногласно одлучи да премине во

Брутално убиство во Србија: Во автомобил ја избодел поранешната сопруга

Тело на жена е пронајдено утринава во автомобил во приградска населба во Крагуевац, објавија српските медиуми. Според неофицијални информации, за убиство е осомничен Б.Р., поранешен сопруг на убиената 41-годишна жена. Жената наводно

Салија во 24 анализа: Бараме ние како средно медицински персонал да бидеме препознаени и да имаме наш закон и наша комора

Џеват Салија, медицински техничар од болницата во Гостивар во 24 анализа рече дека, ситуацијата со медицинските сестри е специфична. Според него, најголем проблем е тоа што не се пепознаени и не се

Алијанса за Албанците ја напушта Владата, Таравари: Одлучивме да се вратиме кај народот!

По околу два часа состанок, Алијансата за Албанците донесе одлука да ја напушти владата и да премине во опозиција.  Како што информираше Арбен Таравари, до оваа одлука дошле поради незадоволства, при што ги спомена балансерот и законот за јазиците.  Таравари меѓу другото рече дека ќе му се вратат на граѓанинот и дека Алијанса за Албанците е уникатна партија. ИЗВОР: ТВ 21
Go toTop