Во текот на вчерашниот ден портпаролот на СДСМ Богданка Кузевска имаше свое несвојствено појавување во јавност од платото пред Владата на Република Македонија, каде очигледно вознемирена со сериозно вознемиран глас се обиде да протне теми во јавност кои што многу бргу по само неколку часови се покажаа како неосновани, пишува Брегалнички.мк
Имено Богданка Кузевска која до неодамна граѓаните можеа да ја гледаат со сериозно ниво на самодоверба од партискиот пулт и гламурозната атмосфера во прес центарот на СДСМ на Бихаќка, вчера во целосно разнишана самодоверба, воздишки и трепет во гласот се обиде да алармира за “скандалот со вицепремиерот Меџити” преку достава до владата на некакви документи од други институции кои преку свиркачи биле доставени до СДСМ според Кузевска.
Проблемот со вчерашната прес конференција на Богданка Кузевска од платото пред Владата е повеќе слоен:
Зошто свиркачи имаат потреба да ги доставуваат документите до СДСМ кога тоа се официјални јавни институционални документи кои што било кој граѓанин може да ги провери?
Природата и менаталитетот на кодоши се уште работи кај малкумина функционери во СДСМ па преку вакви медиумски конструкции мислат дека ќе постигнат некаков политички поен во јавност.
Со месеци СДСМ безуспешно се обидува да излезе од калта на неспособност, незнаење и ретроградност преку јалови прес конференции кои што немаат никаква суштина и сериозно влијание во секојдневниот живот на граѓаните, за што најдиректно е заслужна никој друг туку самата Богданка Кузевска. А таа тоа најдобро го осеќа и во предвечерие на изборот на Венко Филипче за нов 4 годишен мандат на претседателското место во СДСМ, се обидува да си купи платичка за периодот кој следи, па оттаму и потребата за вакви драмолетки пред влада. Ама по се изгледа попусто затоа што од владата веднаш излегоа со негирање на сите нејзини квалификации и обиди за конструкции.
ИЗВОР: kurir.mk
