Борусија Дортмунд го победи англискиот шампион Арсенал со 3-2 на домашен терен во пријателски натпревар и со тоа го освои Емирати Купот. Натпреварот на стадионот „Емирати“ започна подобро за гостите, кои поведоа со гол во 7-та минута кога Феликс Нмеча му асистираше на Самуеле Инасио лево од голот на Кепа Аризабалага, а тој ја испрати топката во мрежата. Непосредно пред половина час, Даниел Свенсон го пронајде Константинос Карецас, кој се проби на десното крило, ја постави топката на левата нога и со убав удар од работ на шеснаесетникот го дуплираше водството на Борусија Дортмунд!
До крајот на првото полувреме, англиските шампиони доминираа, погодувајќи ја стативата, но не успеаја да постигнат гол.
Девет минути по почетокот на второто полувреме, Итан Нуанере доби додавање во шеснаесетникот од Христос Цолис и постигна гол во левиот агол, намалувајќи ја негативата на Арсенал.
Реакцијата на Борусија беше молскавично брза и во 58-та минута „жолто-црните“ постигнаа трет гол. По еден корнер, одбраната на домашниот тим заспа и топката стигна до Жоан Гаду, кој со тесен удар ја испрати во мрежата на Арсенал!
Арсенал притисна, на кого му беше досуден пенал во 69-тата минута, а Виктор Ѓокереш реализираше со удар од белата точка, испраќајќи ја топката покрај Алекс Мајер!
Извор: vecer.mk
