Во срцето на индонезискиот остров Суматра, биологот Крис
Торогуд од Универзитетот во Оксфорд доживеа момент што ќе го памети до крајот
на животот.
Тој помина денови и ноќи пребарувајќи ја џунглата, полна
со тигри, во потрага по исклучително ретко растение, и на крајот успеа да го
пронајде и сè го сними на камера.
„Добро е, успеавме“
Ова е растение кое ги произведува најголемите цветови во
светот (до еден метар во дијаметар), додека развојот на пупката трае дури девет
месеци.
Откривањето на неверојатниот цвет, наречен Rafflesia
hasseltii, го расплака локалниот водич Септијајн Андрики, објавува Дејли Меил.
„Добро е, успеавме! Го најдовме“, д-р Торогуд го утеши својот колега.
Му се заканува истребување
Rafflesia hasseltii произведува непријатен мирис што
привлекува муви и бубачки – кои носат полен, осигурувајќи дека растението се
размножува во густи тропски шуми.
Постојат неколку варијанти, но Rafflesia hasseltii се
издвојува по својата необичност. Познат локално под името Cendawan Muca Rimau,
што значи „тигрова глава“, расте само во оддалечен дел од џунглата на Западна
Суматра, каде што влезот е можен со посебна дозвола.
Д-р Торогуд предводеше истражувачка експедиција за да го
пронајде и проучи необичното растение, кое е загрозено од истребување. Се
проценува дека 60% од сите видови Rafflesia се соочуваат со сериозен ризик од
истребување, додека 67% од познатите живеалишта не се во заштитени подрачја.
Извор: vecer.mk
