Директор на комунално претпријатие од Гази Баба обвинет за проневера во службата

January 16, 2025
1 min read

По спроведена истражна постапка, јавен обвинител од Основното јавно обвинителство Скопје поднесе Обвинителен акт против едно лице за кривично дело – Проневера во службата од член 354 став 2 во врска со став 1 од Кривичниот законик.

Обвинетиот, во периодот од 01.01.2021 до 31.12.2021 година, како службено лице – в.д. директор на ЈКП „Гази Баба – 2007“, со намера за друг да прибави противправна имотна корист присвоил пари доверени во службата. По претходна одлука на Управниот одбор на јавното претпријатие за ангажирање невработени лица за вршење јавни работи за потребите на Општина Гази Баба, обвинетиот склучил договори со седум лица. Договорите биле заведени под ист деловоден број и имале потпис само од обвинетиот. Притоа, иако за нив водел евидентни листови кои обвинетиот лично ги потпишувал, наводно ангажираните привремени работници не работеле во ЈКП „Гази Баба – 2007“, а на одредени датуми за кои примале хонорар всушност се наоѓале надвор од границите на државата. За тоа време тие биле уредно водени дека ги извршуваат ангажманите за кои склучиле договори и им се исплаќал паричен надоместок, кој во вкупен износ за сите седум лица достигнал 880.516 денари.

Имајќи ја предвид пред се сериозноста и тежината на кривичното дело кое му се става на товар, запретената казна и останатите прилики, надлежниот јавен обвинител до Судот заедно со обвинението достави и посебен предлог со кој побара спрема обвинетиот да бидат определени мерки на претпазливост – забрана за напуштање на живеалиште, обврска повремено да се јавува кај службено лице и привремено одземање на патната исправа.

ИЗВОР: ТВ 21

MARKETING

MARKETING

Претходно

Кога ќе ги добие Македонија првите исплати во 2025 година од Планот за раст на ЕУ?

Следно

Трајановски: СДСМ не ги завршија патиштата затоа што беа заложници на ДУИ

Latest from Blog

РСБСП: Не возете под дејство на алкохол!

По повод 1 Мај – Меѓународниот ден на трудот, Републичкиот совет за безбедност на сообраќајот на патиштата (РСБСП) апелира до сите учесници во сообраќајот за почитување на сообраќајните правила и прописи и

Земјотрес го погоди Крит

Земјотрес со јачина од 4,5 степени според Рихтеровата скала го погоди денеска грчкиот остров Крит, соопшти Европско-медитеранскиот сеизмолошки институт. Земјотресот се случил на длабочина од осум километри во морето. Извор: 24vesti.mk

Криволов на крап во Охридското Езеро

Фотографии на уловени парчиња крап од Охридското Езеро вчера се проширија на социјалните мрежи. Активисти на Граѓанската иницијатива „Охрид SOS“, посочуваат дека станува збор за фотографии што ги направиле рибари ангажирани од

Формула 1 ќе ги промени правилата за пцуење

Претседателот на ФИА, Мохамед Бен Сулајем, објави дека наскоро може да се направат измени во контроверзните прописи што предвидуваат казни за несоодветен јазик, вклучително и пцуење, во светот на Формула 1. Во
Go toTop