Актуелниот американски претседател Џо Бајден на 21 јули објави дека повеќе нема да се кандидира за втор мандат.
Тој најави дека ќе и се обрати на нацијата подоцна во текот на неделата.
Демократската партија сега ќе треба да избере нов демократ кој во ноември ќе се соочи со републиканскиот кандидат Доналд Трамп во трка која веќе беше одбележана со тензии, поделби и обид за атентат.
Повлекувањето од трката доаѓа по неколкумесечни шпекулации за возраста на Бајден и способноста да служи уште четири години – во услови на серија гафови и катастрофални дебатни перформанси против Трамп.
Бајден (81), претходно инсистираше на тоа дека е во најдобра позиција да го победи Трамп на претстојните избори, но се соочи со повици од неговата партија да се повлече.
Извор: slobodnaevropa.mk
