ВАШИНГТОН (АА) – Претседателот на САД, Џо Бајден, соопшти дека официјално е основана првата Федерална единица која треба да помогне во спречувањето на оруженото насилство во неговата земја и во изнаоѓањето на решението за спречување на оружените напади, како и во давањето поддршка на жртвите на нападите, известува Анадолу.
Обраќајќи се на конференцијата за новинари во Белата куќа, Бајден изјави дека потпретседателката на САД, Камала Харис е именувана за шефица на Канцеларијата за превенција од оружено насилство, која е основана со цел спречување на насилството и нападите со оружје, како и за давање поддршка на жртвите на нападите.
Напоменувајќи дека во САД од почетокот на годината имало повеќе од 500 масовни напади со оружје и притоа повеќе од 30.000 луѓе биле жртва на оружено насилство, Бајден овие напади ги опиша како ураган кој го разорил американското општество.
Новата федерална единица има за цел да обезбеди спроведување на законот за сигурност на оружјето, усвоен минатата година, како и сите други одлуки донесени од бајденовата администрација за спречување на оруженото насилство.
Единицата исто така е планирана и за координација на државната поддршка на жртвите на оружено насилство и на нивните семејства.
