Демонстрантите во САД протестираа против гладот во Газа пред хотелот на Трамп во Њујорк

August 5, 2025
1 min read

АНКАРА (АА) – Демонстранти се собраа пред хотелот „Трамп интернешнал“, кој е во сопственост на американскиот претседател Доналд Трамп, во знак на протест против политиката на Израел за изгладнување во Газа, известува Анадолу.

Според вестите објавени во американските медиуми, стотици луѓе протестираа против нападите на Израел врз Газа и влошената хуманитарна криза во регионот, како дел од демонстрациите организирани од еврејска невладина организација за мир „IfNotNow“.

Демонстрантите се собраа пред хотелот „Трамп интернешнал“, управуван од компанија во сопственост на Трамп, носејќи транспаренти на кои пишуваше „Стоп на етничкото чистење“ и „Не дозволувајте луѓето од Газа да гладуваат“, скандирајќи „Трамп, Евреите велат доста“.

Демонстрантите побараа прекин на нападите врз Газа, а администрацијата на Трамп да изврши притисок врз Израел за да дозволи влез на поголема хуманитарна помош во регионот.

Морија Каплан, привремена извршна директорка на групата „IfNotNow“, во својот говор пред демонстрациите рече:

„Израелската блокада на Газа е политика на етничко чистење преку присилно масовно изгладување. Владата на САД мора да ја искористи својата значајна моќ за да ја запре оваа бруталност“.

Повеќе од 40 лица беа приведени во полициската интервенција во протестот.

– Газа се соочува со криза со глад

Поради израелските напади и строгата опсада која го ограничува влезот на хуманитарната помош, во Појасот Газа се доживува хуманитарна катастрофа, со широко распространет глад и недостаток на вода, лекови, медицински материјали и средства за хигиена.

Во подем е бројот на смртни случаи од глад, особено кај децата, во Појасот Газа.

Од 7 октомври 2023 година, 175 лица, вклучувајќи 93 деца, починаа од глад во Појасот Газа, каде што Израел наметна глад.

Локалните и меѓународните кругови истакнуваат дека Израел ги користи „гладот и жедта како оружје“.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

MARKETING

MARKETING

Претходно

Разоткриена мрежа на шверц на цигари – против пет сторители поднесена кривична пријава

Следно

Средна оценка 3.69 од државната матура во јунскиот испитен рок

Latest from Blog

Коњановски на терен: Се реконструира канализационата мрежа на „Панде Кајзеро“

Градоначалникот на Општина Битола, Тони Коњановски, заедно со директорот на КЈП „Нискоградба“, Зоран Талевски, денеска изврши увид во тековните градежни активности за реконструкција на мешовитата канализациона мрежа на улицата „Панде Кајзеро“. Проектот,

Ердоган: Турција презема чекори за да ја заштити иднината на нацијата

АНКАРА (АА) – Турција презема историски чекори за да ја заштити иднината на нацијата, изјави турскиот претседател Реџеп Таип Ердоган денес пред претседавањето со годишниот состанок на Врховниот воен совет, јавува Анадолу.

Андреа Стела: Борбата на Норис и Пјастри во Унгарија беше во согласност со принципите на Мекларен

Извршниот директор на Мекларен, Андреа Стела, изјави дека тимот е доста задоволен од начинот на кој Ландо Норис и Оскар Пјастри се борат еден против друг на патеката, натпреварувајќи се за титулата.

Tопол оброк им е поделен на Палестинците кои се борат со гладот во Газа

СКОПЈЕ (АА) – Фондацијата Ал-Акса, која дејствува во Турција, им дистрибуираше топол оброк на раселените Палестинци кои се соочуваат со глад поради тековните израелски напади и блокадата за влез на хуманитарна помош

Швајцарска енергетска приказна– хидропотенцијалот во хармонија со заштитената природа

Струјата е неопходна во современото живеење. За жителите во развиените европски економии незамисливо е да не може да се вклучи сијалицата. Тоа се третира како прашање на енергетска независност за секоја држава, но и јавен
Go toTop