Преку активноста „Безбедно до училиште, среќно во новите авантури!“ компанијата придонесе кон раното градење сообраќајна култура и безбедни навики кај децата
Грижата за заедницата започнува со препознавање на темите што се важни за секојдневието и иднината на нејзините најмлади членови. Водена од определбата општествената одговорност да ја преточува во конкретни и корисни активности, Делфино Мобилити Груп, со брендовите SIXT, Geely и Lynk & Co, ја реализираше иницијативата „Безбедно до училиште, среќно во новите авантури!“ за 200 првачиња во три основни училишта во Скопје.
Иницијативата се одржа во ООУ „Кочо Рацин“ и ООУ „Димитар Миладинов“ во Општина Центар, како и во ООУ „Ѓорѓија Пулевски“ во Општина Аеродром. Во соработка со Републичкиот совет за безбедност на сообраќајот на патиштата (РСБСП), Делфино Мобилити Груп ја насочи активноста кон едукација на првачињата и поттикнување одговорно однесување во сообраќајот уште од најрана возраст.
„За Делфино Мобилити Груп, општествената одговорност значи да придонесуваме таму каде што нашето знаење, дејност и присуство можат да создадат реална вредност за заедницата. Како компанија непосредно поврзана со мобилноста, сметаме дека имаме одговорност да придонесеме кон поголема свесност и создавање безбедни навики уште од најрана возраст. Првиот училишен ден е голем момент за децата и нивните семејства, а нашата цел беше радоста на тој почеток да ја надополниме со порака што ќе остане важна и понатаму – секое патување треба да започне со внимание и одговорност“, велат од Делфино Мобилити Груп.
Во рамки на мини-лекцијата „Три чекори до безбедно преминување“, децата научија дека треба да застанат на безбедно место пред работ на улицата, да погледнат лево, потоа десно и повторно лево, и да преминат мирно на пешачки премин само кога е безбедно, кога возилата запреле и кога светлосната сигнализација го дозволува тоа. На овој начин, општествено одговорната иницијатива доби практична и долгорочна вредност, пренесувајќи знаење што децата можат да го применуваат секојдневно.
„Градењето сообраќајна култура започнува од најрана возраст. Кога децата навреме ги учат основните правила и ги применуваат со поддршка од родителите, училиштата и заедницата, создаваме основа за побезбедно движење и за поодговорни учесници во сообраќајот во иднина“, истакнаа од Републичкиот совет за безбедност на сообраќајот на патиштата
Едукативниот дел беше дополнет со практична компонента, подароци од Делфино Мобилити Груп потребни за првачињата, распоред на часови во форма на автомобил, обележувач за книга, тетратка и производи од Витаминка а дополнителни едукативни материјали за безбедност во сообраќајот беа обезбедени и од РСБСП, кои ќе ги потсетуваат децата на научените правила и по завршувањето на активноста.
Со иницијативата, Делфино Мобилити Груп, заедно со брендовите SIXT, Geely и Lynk & Co, ја потврди определбата општествената одговорност да ја гради преку активности поврзани со нејзината дејност и со реалните потреби на заедницата, поставувајќи ја безбедната мобилност и како заедничка општествена обврска.
