Данската кралица Маргрет по 52 години се откажува од престолот, како монарх со најдолг стаж во Европа

December 31, 2023
1 min read

Маргрета (83) ќе му го предаде тронот на својот син, престолонаследникот Фредерик, а тоа го најави во нејзиниот традиционален говор за новогодишната ноќ, емитуван на данската телевизија

Како изненадувачки потег, данската кралица Маргрета Втора објави дека ќе абдицира од својата улога во почетокот на 2024 година, по владеењето кое трае повеќе од пет децении, пренесува Си-ен-ен.

Фото: EPA-EFE/Keld Navntoft DENMARK OUT

Маргрета (83) ќе му го предаде тронот на својот син, престолонаследникот Фредерик, а тоа го најави во нејзиниот традиционален говор за новогодишната ноќ, емитуван на данската телевизија.

„Во февруари оваа година направив опсежна операција на грбот. Се помина во најдобар ред, благодарение на компетентниот здравствен персонал, кој се грижеше за мене. Неизбежно, операцијата даде повод за размислувања за иднината – дали сега ќе биде соодветно време да се пренесе одговорноста на следната генерација“,

рече таа.

Според неа, одлуката ја донела, како што вели во вистинско време.

„На 14 јануари 2024 година – 52 години откако го наследив мојот сакан татко – ќе се повлечам од функцијата кралица на Данска. Престолот ќе му го предадам на синот престолонаследник Фредерик.

Кралицата Маргрета Втора го презеде тронот на 14 јануари 1972 година по смртта на кралот Фредерик Деветти.

По смртта на британската кралица Елизабета Втора минатата година, Маргрет стана монарх со најдолг стаж во Европа.

„Принцот Фредерик ќе го преземе тронот како Неговото Височество Кралот Фредерик Десетти во јануари,

се вели во соопштението од кабинетот на данскиот премиер.

По состанокот во Државниот совет, премиерот ќе ја прогласи промената на тронот во замокот Кристијансборг.

Кралицата ќе продолжи да ја носи титулата Нејзино Височество по предавањето на тронот.

Кралското семејство на Данска има ограничена улога според Уставот на земјата, а моќта е на парламентот. Монарсите играат важна амбасадорска улога, како и во потпишувањето на новото законодавство.

Според Ројтерс, Маргрете во текот на својот живот уживаше широка поддршка од Данците.

Извор: 360stepeni.mk

MARKETING

MARKETING

MARKETING

Претходно

Таравари со лидерите на ЕСП на средба со Курти? – Сите ја чекаат одлуката на АА

Следно

Нова година, нови цени – поскапува паркингот на аеродромот во Скопје

Latest from Blog

Барселона во финалето на Суперкупот го декласира Реал Мадрид

Барселона го освои рекордниот 15. трофеј во шпанскиот Суперкуп, откако убедливо го совлада големиот ривал Реал Мадрид во спектакуларното финале во Џеда. „Ел Класико“ одиграно во Саудиска Арабија, на стадионот „Крал Абдула“,

„Моето најдлабоко сочувство оди до оние кои претрпеле непоправливи загуби“: Давкова за разорните пожари во Лос Анџелес

Претседателката Гордана Сиљановска Давкова вели со длабока загриженост ги следи вестите за разорните пожари што беснеат во Лос Анџелес. „Моите мисли се со сите кои се погодени од оваа трагедија, со семејствата

Поради неспособноста на Трипуновски нема откуп на оризот – СДСМ предлага 2 мерки како решенија

Власта ги остави на цедило оризопроизводителите. Неспособноста на Цветан Трипуновски создаде криза со откупот на оризот и оризовата арпа.  Од 28.000 тони откупени се околу 6.000 тони или едвај околу 20% од

Ракометарите со минимална победа во последната проверка пред СП

Машката ракометна репрезентација на Македонија ги заврши подготовките за настапот на Светското првенство (СП) кое се игра овој јануари со победа. Нашиот национален тим во последниот контролен дуел победи против Зеленортски Острови
Go toTop