Хирурзите извадиле 29 лажици, 19 четкички за заби и две хемиски пенкала од желудникот на 39-годишен маж по име Сачин, откако се пожалил на силна болка во стомакот.
Постапката траеше три и пол часа
Сачин бил примен во болница со силна болка, а ултразвучното скенирање покажало присуство на дури 50 туѓи тела во неговиот стомак.
Лекарите прво се обиделе да ги отстранат предметите со помош на ендоскопија, но поради бројот и големината на предметите, било одлучено да се оперира.
Постапката траела три и пол часа, а во неа учествувал тим хирурзи предводен од директорот на болницата, д-р Шјам Кумар. Операцијата била извршена со голема грижа, бидејќи пластичните и металните делови претставувале сериозна опасност за внатрешните органи, објави Тајмс оф Индија.
Сега се чувствува добро
На крајот на краиштата, Сачин објаснил дека почнал да ги голта предметите за време на престојот во рехабилитациониот центар.
Тој тврди дека таму му биле давани мали порции храна, па затоа, совладан од фрустрација и глад, почнал да краде прибор за јадење и четкички за заби, кршејќи ги на парчиња и голтајќи ги со вода.
Лекарите го опишале неговото однесување како екстремна форма на психолошко нарушување, кое може да се појави кај луѓе во состојба на апстиненцијална криза или под интензивен стрес.
Тие додаваат дека ваквите случаи не се чести, но дека укажуваат на важноста од следење на менталното здравје на пациентите на рехабилитација.
Сачин ја преживеал процедурата и бил отпуштен од болница по една недела, во стабилна состојба.
Извор: vecer.mk
