Доктор Андон Чибишев вчера му беше гостин на Љупчо Цветановски во „Наткаст“ на КУРИР.
Разговараа за повеќе теми како скандалите на Онкологија, реформите на Токсикологија, проблемите за кои е оптимист дека ќе се решат, но и за тоа дали постои фармацевтска мафија во Македонија.
-Постојано зборуваме за некаква фармацевтска мафија, дека се увезуваат лекови со една цена, а се продаваат со некоја фантастично зголемена цена, дека имаме можеби најскапи лекови во регионот, дека се увезуваат лекови кои се во светот можеби со некои научни испитувања се прогласени за неупотребливи. Апсолутно мислам дека се случува нешто што не е вообичаено за една добро организирана демократска држава, истакна Чибишев.
Чибишев посочи дека очекува подобри времиња и за здравството и за пациентите.
-Како што гледам, МВР многу е раздвижено, верувам дека нешто ќе се случува во иднина. Не би сакал сега да шпекулирам. Многу работи кои не ни беа сфатливи во минатото сега почнуваат да ни се случуваат, да се процесуираат одредени настани и случувања кои во минатото се буткале под тепих. Така да, се надевам дека и овие работи ќе се актуелизираат и надлежните институции ќе си ги преземат мерките кои ги имаат според уставот и законите на Република Македонија, посочи докторот.
ИЗВОР: kurir.mk
