АЛ-БАБ (АА) – Најмалку четири цивили се ранети кога терористи на ЈПГ/ПКК го нападнаа градот Кабасин во областа Ал-Баб, во Северна Сирија, известува Анадолу.
Терористичката организација ЈПГ/ПКК во понеделникот вечер изведе напад на Кабасин од окупираниот град Орајма во Мунбич, ранувајќи четири цивили.
Ал-Баб е расчистен од терористичката организација ДЕАШ за време на операцијата „Штитот на Еуфрат“ во февруари 2017 година.
Во друг напад е убиен еден цивил, а двајца се ранети од страна на ЈПГ/ПКК во селото Ал-Салихијах, во Округот Тал Абјад, во северниот дел на Сирија.
Турските сили во изминатите шест години изведоа три успешни антитерористички операции во пограничниот појас на северниот дел на Сирија. Со операциите „Штитот на Еуфрат“ (2016), „Маслинова гранка“ (2018) и „Извор на мирот“ (2019) ставен е крај на терористичката окупација на пошироко подрачје во северниот дел на Сирија и спречен е планот на терористите на ЈПГ/ПКК во тој регион да воспостават терористички коридор.
ПКК е сепаратистичка и терористичка организација што се наоѓа на листата на терористички организации во Туркије, Европската Унија и во САД. Во текот на повеќедецениската терористичка кампања против Туркије, терористите на ПКК убија над 40.000 луѓе. Терористичката организација ЈПГ е сириски огранок на ПКК.
