ИСТАНБУЛ (АА) – Соединетите Американски Држави (САД) ги принудуваат европските држави да ја финансираат Украина против благосостојбата на сопствените граѓани, истакна утрово претседателот на руската Државна дума, Вјечеслав Володин, пренесува Анадолу.
„САД ги принудуваат државите во Европа да го финансираат режимот во Киев по цена на благосостојбата на нивните граѓани. Но, како што излезе, тие сносат многу помалку трошоци од другите“, рече Володин преку Телеграм.
Toj рече дека во однос на трошоците, САД користат 0,37 отсто од својот БДП, што, според него, е 5,7 пати помалку од она што Полска го дава.
Тој понатаму нагласи дека Естонија, Латвија, Чешката Република, Литванија, Словачка, Бугарија, Малта, Норвешка, Романија и Администрацијата на кипарските Грци го принудуваат Вашингтон да троши повеќе за Украина.
„Покрај тоа, земјите од Европската Унија сносат дополнителни трошоци поради антируските санкции, што ги погодија нивните економии како бумеранг“, рече Володин.
Тој посочи дека со продолжувањето на доставувањето оружје на Киев, лидерите на ЕУ дејствуваат спротивно на нивните национални интереси, и на сметка на своите граѓани.
„Вашингтон уште еднаш покажа дека главниот принцип на неговата политика е да користи други земји за да ги постигне своите интереси“, додаде тој.
Извор: www.aa.com.tr
