Тренерот на Реал Мадрид, Чаби Алонсо не е премногу загрижен, и покрај двата последователни порази на неговиот тим. „Кралевите“ прво загубија од Ливерпул во Лигата на шампионите, а потоа забележаа реми 0-0 со Рајо Ваљекано во Ла Лига. Сепак, тренерот не брза да алармира, бидејќи сè уште многу рано.
„Дали е криза? Знаеме каде сме“, рече Алонсо на прес-конференцијата по натпреварот. „Верувам дека и во добри и во лоши времиња, мора да знаеме како да најдеме рамнотежа“.
„По Енфилд, сакавме да одиграме подобар натпревар денес. Секогаш е тешко да се наметне нашиот стил на игра и во второто полувреме сè можеше да се случи. Не го припишувам тоа на емоционални подеми и падови, ние сме многу доследни во нашата подготовка и менталитет. Во Ла Лига, играте натпревар по натпревар, а во недела не успеавме да победиме“, додаде специјалистот.
И покрај разочарувачкиот резултат, Алонсо знае дека сезоната нема да биде добиена или изгубена поради нерешен резултат во ноември.
„Она што ме загрижува е желбата да продолжиме да растеме, да се подобруваме. Да правиме позитивна и конструктивна самокритика. Сите знаеме каде сме и што сакаме. Ноември е, сè уште има долг пат и мора да одржуваме високи стандарди“, заклучи Шпанецот.
Извор: vecer.mk
