Најмалку четири лица загинаа во бурата Буалои што ги зафати Филипините и принуди десетици илјади луѓе да ги евакуираат областите склони кон поплави и лизгање на земјиштето.
Бурата Буалои, локално наречена Опонг, доцна синоќа стигна до градот Сан Поликарпо во покраината Источен Самар со ветрови од 110 километри на час, предизвикувајќи поплави, прекини во електричната енергија и две помали лизгања на земјиштето, соопшти националната агенција за ублажување на катастрофи.
Повеќе од 73.000 луѓе од покраините Источен Самар и Северен Самар побараа засолниште во владини засолништа.
Извор: tv21
