Од бугарското МНР нагласуваат дека јавните изјави со кои се навредува или провоцира другата страна, се „апсолутно неприфатливи и контрапродуктивни“ и тие не го го претставуваат официјалниот став на бугарската држава и не можат да се толкуваат како такви
Во исто време, велат од бугарското МНР, не помалку опасни за билатералните односи се и апелите на маргиналните партии во Северна Македонија против бугарските политичари и јавни личности кои се залагаат за заштита на правата на Бугарите во Северна Македонија и проектите за зближување на луѓето меѓу двете земји
Министерството за надворешни работи на Бугарија денеска преку писмено соопштение, објавено на нејзината интернет-страница се огради од навредливите изјави искажани во саботата за време на чествувањето на 95-годишнината од смртта на Мара Бунева на Кејот на Вардар во Скопје.
Од бугарското МНР нагласуваат дека јавните изјави со кои се навредува или провоцира другата страна се „апсолутно неприфатливи и контрапродуктивни“ и тие не го го претставуваат официјалниот став на бугарската држава и не можат да се толкуваат како такви.
„Министерството за надворешни работи го потврдува својот категоричен став дека политичарите и јавните личности од Бугарија и Северна Македонија имаат одговорна улога во градењето доверба и развивање на добрососедски односи меѓу двете земји, како и во намалувањето на тензиите во јавниот простор“,
се наведува во соопштението.
Во него се нагласува и дека имајќи ја предвид заедничката историја што ги врзува двете земји, одбележувањето на заедничките историски настани и личности, како што е годишнината од смртта на Мара Бунева, треба да доведат до зајакнување на довербата и добрососедството.
Во исто време, велат од бугарското МНР, не помалку опасни за билатералните односи се и апелите на маргиналните партии во Северна Македонија против бугарските политичари и јавни личности кои се залагаат за заштита на правата на Бугарите во Северна Македонија и проектите за зближување на луѓето меѓу двете земји.
„Ваквиот пристап има очигледна цел да создаде дополнителна тензија во билатералните односи во интерес на кругови кои не се заинтересирани за европската интеграција на Република Северна Македонија. Добрососедските односи со нашите пријатели во Скопје ќе се градат со дијалог, а не со забрани“,
се подвлекува во соопштението.
Соопштението на бугарското МНР доаѓа откако во неделата, ден по чествувањето на смртта на Мара Бунева и навредливите изјави што го придружуваа, македонското Министерството за надворешни работи информираше дека по дипломатски канали реагирало и побарало од официјална Софија да се огради од недоличните изјави на „одредени маргинални политички фигури„ од Бугарија.
„Маргиналните политички фигури“, на кои алудираа од МНР, се однесуваше на претставниците на партијата ВМРО-БНД од Бугарија, конкретно на нејзиниот копретседател и европратеник, Ангел Џамбаски, кој беше главен говорник на чествувањето.
Тој во своето обраќање пред присутните и овој пат не се воздржа од провокативната реторика околу историјата и односите меѓу двете земји.
Во тој конктекст, Џамбаски во дел од својот говор ги повика „владејачките елити во С Македонија да не ја продолжуваат политиката на геноцид кон Бугарите наложена од Коминтерната“.
Движејќи се кон местото, каде е поставена спомен-плочата на Мара Бунева на Кејот на Вардар во Скопје, со црвено-црвен транспарент со ликот на Иван (Ванчо) Михајло и натпис на истоимениот културен центар, присутните извикуваа „Бугари јунаци“ и „Мизија, Тракија, Македонија“.
Со последниот слоган тие алудираа на трите географски области кои според националистичките бугарски кругови ја сочинуваат „Голема Бугарија“.
Премиерот, Димитар Ковачевски, коментирајќи го настанот на барање на новинарите рече дека станува збор за политички маргиналци и дискусијата со нив би им ја оставил на политички маргиналци од нашата држава.
ИЗВОР: 360stepeni.mk
