Бугарскиот амбасадор Ангел Ангелов им се врати на дипломатските должности во Северна Македонија

January 30, 2023
1 min read

Бугарското МНР минатата недела го повика Ангелов на консултации во Софија поради, како што информираа оттаму, сериозната состојба во однос на правата на Бугарите во Северна Македонија и ескалацијата на актите и злосторствата од омраза против нив во последните месеци

Бугарскиот амбасадор во земјава Ангел Ангелов им се враќа на своите дипломатски должности во Северна Македонија во полн капацитет. Вакво известување денеска пристигнало во македонското Министерство за надворешни работи, дознава „360 степени“.

Амбасадорот Ангелов денеска во Скопје пристигна со бугарскиот министер за внатрешни работи Иван Демерџиев, кој се сретна со македонскиот колега Оливер Спасовски, и практично останува во земјава.

Бугарското МНР минатата недела го повика Ангелов на консултации во Софија поради, како што информираа оттаму, сериозната состојба во однос на правата на Бугарите во Северна Македонија и ескалацијата на актите и злосторствата од омраза против нив во последните месеци, а по последнниот инцидент во кој беше нападнат секретарот на бугарскиот клуб „Цар Борис Трети“ во Охрид, Христијан Пендиков.

„Целта на консултациите е да се разговара за можностите за запирање на опасниот тренд на зголемен притисок врз граѓаните на Република Северна Македонија со бугарска самосвест и за изгледите за понатамошен развој на билатералните односи“,

информираа од бугарското МНР.

Одлуката да биде повикан во Софија Ангелов ја оцени како дипломатска пракса која е показател дека има сериозни проблеми во односите меѓу двете држави.

„Моето враќање во РСМ ќе биде оценка од надлежните институции во Бугарија. Мора да се врати довербата што беше изгубена“,

рече Ангелов во изјава за БНТ.

Македонското Министерство за надворешни работи изрази жалење за потегот на Софија да го повика на консултации својот амбасадор во земјава Ангел Ангелов оценувајќи го ваквиот чекор како „неоснован, непоткрепен со валидни аргументи и непропорционален“.

Инаку бугарскиот вицепремиер за јавен ред и мир и министер за внатрешни работи Иван Демерџиев денеска во Скопје со колегата Оливер Спасовски разговараа за одбележувањето на 4 февруари – 151-годишнината од раѓањето на Гоце Делчев.

Двајцата министри биле согласни дека в сабота, на одбележувањето 151-годишнината од раѓањето на Гоце Делчев, ќе бидат преземени сите мерки за настанот да помине без инциденти. На состанокот Демерџиев го уверувал Спасовски дека од луѓето што ќе дојдат на чествувањето не очекува некакви провокации и дека нема дојде до несакани настани.

„На оваа средба разговаравме во однос на чествувањето на роденденот на Гоце Делчев кој ќе биде за неколку дена. Ова е во услови на малку зголемени тензии, различни најави за нарушување на јавниот ред и мир. Сакаме да упатиме јасна порака дека нема да биде дозволен никаков инцидент, македонската полиција ги презема сите неопходни мерки и активности и апсолутно не смее да се дозволи инцидент, односно ќе се обезбеди чествување како што доликува на нашиот великан Гоце Делчев“,

изјави министерот Спасовски.

ИЗВОР: 360stepeni.mk

MARKETING

MARKETING

Претходно

Вардар конечно почна со подготовки за пролетниот дел од сезоната во ВМФЛ

Следно

Шулце: Германија ќе вложи 222 милиони долари за заштита на амазонската прашума

Latest from Blog

Министерот Ристовски им посакаа успешен настап во мундијалските квалификации на македонските кошаркари

Министерот за спорт Борко Ристовски денеска ја посети репрезентативната база на македонските кошаркари во Гевгелија, посакувајќи им успешен настап во претстојните квалификации за пласман на Светскиот куп 2027. Македонските кошаркарски репрезентативци во

Филипче вели дека е несериозен предлогот на ВМРО-ДПМНЕ даден на прес конференција: Резолуцијата со Бугарија за идентитетот треба да биде даден во Собрание

Претседателот на СДСМ Венко Филипче одговарајќи на новинарски прашања за предлогот на ВМРО-ДПМНЕ со Бугарија да се поднесе заедничка резолуција во Европарламентот која ќе се однесува на македонскиот јазик и македонскиот идентитет,

Познати сите четвртфиналисти на СП во ватерполо

Црногорските и грчките ватерполисти се пласираа денеска во четвртфиналето на Светското првенство, кое се одржува во Сингапур. Грција го победи Бразил со 17-5 во осминафиналето, додека Црна Гора избори место меѓу осумте

Каја Шукова кандидат на СДСМ за градоначалник на Скопје

Претседателот на Социјалдемократскиот сојуз на Македонија, д-р Венко Филипче, на денешната прес-конференција ја соопшти одлуката на Извршниот одбор на партијата, која се однесува на давање согласност за кандидатури за градоначалници за претстојните
Go toTop