Според последниот биланс, во Турција во моментов се потврдени вкупно 2 379 смртни случаи, а бројот за жртви предизвикани од земјотресот во Сирија се искачи на 1 444
Поради катастрофалниот земјотрес кој ги погоди Турција и Сирија, Европската Унија го активира својот механизам за одговор на кризи со цел побрзо да ги координира мерките за поддршка за двете земји. Ваквиот механизам, како што се додава во извештајот на Советот на ЕУ, ја зајакнува способноста на ЕУ да носи брзи одлуки кога се соочува со големи кризи кои бараат одговор на ниво на Унијата
Бројот на жртви во разорниот земјотрес кој денеска ги зафати Турција и Сирија, според последниот биланс, се искачи на 3 823, иако се очекува бројот на загинати да расте во текот на ноќта.
Според последниот биланс кој го објави британскиот дневник „Гардијан“, во Турција во моментов се потврдени вкупно 2 379 смртни случаи, а бројот за жртви предизвикани од земјотресот во Сирија се искачи на 1 444.
Вкупниот број на повредени во двете земји сега е поголем од 15 000.
Поради катастрофалниот земјотрес кој ги погоди Турција и Сирија, Европската Унија го активира својот механизам за одговор на кризи со цел побрзо да ги координира мерките за поддршка за двете земји.
„Шведското претседателство одлучи на 6 февруари 2023 година да го активира Интегрираниот политички кризен одговор (ИПЦР) за да ги координира мерките за поддршка на ЕУ како одговор на земјотресот во Турција и Сирија, во тесна соработка со Европската комисија“,
се вели во соопштението на Советот на ЕУ.
Состаноците на Интегрираниот политички кризен одговор (ИПЦР) вообичаено вклучуваат релевантни институции на ЕУ и претставници од сите земји членки. Ваквиот механизам, како што се додава во извештајот на Советот на ЕУ, ја зајакнува способноста на ЕУ да носи брзи одлуки кога се соочува со големи кризи кои бараат одговор на ниво на Унијата.
Европската Унија претходно најави дека ќе формира и ќе испрати тимови за пребарување и спасување во Турција, а воедно на располагање ќе ги стави и услугите на сателитскиот систем „Коперник“. Шефот на европската дипломатија Жозеп Борел и еврокомесарот за управување со кризи Јанез Ленарчич претходно изјавија дека ЕУ е подготвена да им помогне и на погодените во Сирија преку своите програми за хуманитарна помош.
Поради смртоносните земјотреси и големиот број на жртви, Турција прогласи седумдневна национална жалост.
„Поради земјотресите што се случија во нашата земја на 6 февруари, прогласена е национална жалост во траење од седум дена. Нашето знаме ќе биде спуштено на половина копје до зајдисонце во недела на 12 февруари во целата наша земја и во претставништвата во странство“,
напиша турскиот претседател Реџеп Таип Ердоган на Твитер.
6 Şubat 2023 tarihinde ülkemizde meydana gelen depremler sebebiyle yedi gün süreyle millî yas ilan edilmiştir. Bütün yurtta ve dış temsilciliklerimizde 12 Şubat 2023 Pazar günü güneşin batışına kadar bayrağımız yarıya çekilecektir. pic.twitter.com/WsXvTpyr6y
— Recep Tayyip Erdoğan (@RTErdogan) February 6, 2023
Според Агенцијата за управување со катастрофи и вонредни состојби на Турција, за време на земјотресот, во земјата зе урнале најмалку 5 606 згради.
Извор: 360stepeni.mk
